راولپنڊي: (جمعو 17 جنوري 2025ع)خيبر پختونخواه جي ضلعي خيبر ۾ سيڪيورٽي فورسز جي هڪ ڪارروائي ۾ پنج خوارج مارجي ويا.
پاڪ فوج جي انٽر سروسز پبلڪ رليشنز (آءِ ايس پي آر) موجب، خيبر جي تيره علائقي ۾ انٽيليجنس جي بنياد تي آپريشن ڪيو ويو ۽ سيڪيورٽي فورسز خوارج جي ٺڪاڻن کي اثرائتي انداز ۾ نشانو بڻايو.
آءِ ايس پي آر چيو ته آپريشن ۾ خوارج عبيدالله عرف تراب سميت 5 خوارج مارجي ويا ۽ هڪ خوارج کي گرفتار ڪيو ويو.
آءِ ايس پي آر چيو ته مارجي ويل خوارج جي قبضي مان هٿيار ۽ گولا بارود به هٿ ڪيو ويو آهي ۽ مارجي ويل خوارج سيڪيورٽي فورسز خلاف ڪيترن ئي دهشتگرد ڪاررواين ۽ علائقي ۾ بيگناهه شهرين جي قتل ۾ ملوث هئا.
آءِ ايس پي آر موجب، سيڪيورٽي فورسز ملڪ مان دهشتگردي جي لعنت کي ختم ڪرڻ لاءِ پرعزم آهن.
0 تبصرے
Do not use vulgar language