ڪراچي :(اڱارو 17 سپٽمبر 2024ع)اڄ سڄي دنيا سميت پاڪستان ۾ به حضرت محمد صلي الله عليه وآله وسلم جي ولادت جو ڏهاڙو مذهبي عقيدت ۽ احترام سان ملهايو پيو وڃي.
عيد ميلاد النبي ﷺ جي موقعي تي بنگلاديش، عراق، مصر، لبيا ۽ تيونس ۾ روڊن رستن کي سينگاريو پيو وڃي ۽ درود و سلام جون محفلون منعقد ڪيون پيون وڃن.
ٻئي طرف يمن ۾ به هزارين ماڻهن ريلي ڪڍي وئي، جڏهن ته غزه ۾ اسرائيلي جارحيت جو شڪار ٿيندڙ فلسطيني پڻ عشق رسول جي جذبي سان سرشار آهن، جن غزه ۾ پيغمبر اسلام جي آمد تي جشن ملهايو.
ان کان علاوه ڀارتي وزيراعظم نريندر مودي به عيد ميلاد النبي ﷺ جي موقعي تي مبارڪباد جو پيغام موڪليو آهي.
نريندر مودي پنهنجي مختصر پيغام ۾ هم آهنگي، اتحاد ۽ خوشحالي لاءِ دعا ڪئي.
0 تبصرے
Do not use vulgar language