اسلام آباد:(ڇنڇر 30 آگسٽ 2025ع)وزيراعظم شهباز شريف سرڪاري دوري تي چين روانو ٿي ويو آهي جتي هو شنگھائي تعاون تنظيم جي اجلاس ۾ شرڪت ڪندو ۽ چيني سياسي ۽ فوجي قيادت سان ملاقات ڪندو.
وزيراعظم شهباز شريف چين جي دوري لاءِ اسلام آباد جي نور خان ايئر بيس تان خاص جهاز تي چين روانو ٿيو.
پرڏيهي آفيس پاران سوشل ميڊيا تي جاري ڪيل بيان موجب، وزيراعظم شهباز شريف 30 آگسٽ کان 4 سيپٽمبر تائين چين جو دورو ڪندو.
وزيراعظم 25 هين شنگھائي تعاون تنظيم جي سربراهي اجلاس کي خطاب ڪندو جتي هو علائقائي امن جي ڪوششن، علائقائي لاڳاپن کي مضبوط ڪرڻ ۽ خطي جي عوام جي ترقي کي فروغ ڏيڻ تي پاڪستان جو موقف پيش ڪندو.
شنگھائي تعاون تنظيم جي سربراهي اجلاس ۾ شرڪت کان علاوه، وزيراعظم چيني صدر شي جن پنگ ۽ وزيراعظم لي ڪيانگ سان پڻ ملاقات ڪندو.
پرڏيهي آفيس موجب، وزيراعظم صدر شي ۽ عالمي اڳواڻن سان گڏ هڪ فوجي پريڊ ۾ حصو وٺندو، جيڪا بيجنگ ۾ عالمي فاشسٽ مخالف جنگ جي 80 هين سالگرهه تي منعقد ڪئي ويندي.
وزيراعظم واپار، معيشت ۽ سيڙپڪاري تي بحث ڪرڻ لاءِ مشهور چيني ڪاروباري ماڻهن ۽ ڪارپوريٽ ايگزيڪيوٽوز سان ملاقاتون پڻ ڪندو.
0 تبصرے
Do not use vulgar language