مھاراشٽريا:(آچر 24 آگسٽ 2025ع)هندستان جي رياست مهاراشٽرا ۾ هڪ مذهبي ميلي دوران آمريڪي صدر ڊونلڊ ٽرمپ خلاف هڪ منفرد احتجاج ڪيو ويو، جتي شهرين سندس پتلو کڻي ويا ۽ اضافي ٽيرف لاڳو ڪرڻ تي کيس نشانو بڻايو.
ناگپور شهر ۾ هڪ مذهبي ميلي دوران، ماڻهن ٽرمپ جو هڪ وڏو پتلو تيار ڪيو ۽ ان کي جلوس جي صورت ۾ کڻي ويا. مٽي ۽ ڪکن مان ٺهيل پتلي کي ڳاڙهي سوٽ، اڇي شرٽ ۽ پيلي ٽائي ۾ ملبوس ڪيو ويو، جڏهن ته ان کي بال گلن جي هارن ۽ احتجاجي پوسٽرن سان پڻ سينگاريو ويو هو.
پلي ڪارڊن تي لکيل هو، "جيڪو به ٽيرف جي ڌمڪي ڏئي رهيو آهي، هندستاني طاقت ان کي رلاندي" ۽ "جيڪي هندستان کي پنهنجو دوست سڏين ٿا، اهي پاڪستان سان پيار ڪن ٿا."
هندستاني ميڊيا رپورٽن ۾ چيو ويو آهي ته احتجاج 'ماربت ميلو' نالي هڪ روايت جو حصو هو، جيڪو 1800 جي آخر کان هر سال ناگپور ۾ ملهايو ويندو آهي. هن تہوار ۾، وڏين مجسمن کي علامتي طور تي برائي کي ختم ڪرڻ ۽ موجوده سياسي، سماجي ۽ معاشي مسئلن کي اجاگر ڪرڻ لاءِ استعمال ڪيو ويندو آهي.
واضح رهي ته آمريڪي صدر ٽرمپ روس کان تيل جي خريداري تي ڀارت تي لاڳو ٽيرف کي 50 سيڪڙو تائين وڌائي ڇڏيو آهي، جنهن مان 25 سيڪڙو ٽيرف اڳ ۾ ئي لاڳو آهي، جڏهن ته باقي 25 سيڪڙو 27 آگسٽ کان لاڳو ڪيو ويندو.
0 تبصرے
Do not use vulgar language