تھران:(آچر 06 جولاءِ 2025ع)سوئٽزرلينڊ ٻن هفتن جي بندش کان پوءِ ايران ۾ پنهنجو سفارتخانو ٻيهر کوليو.
هڪ پرڏيهي نيوز ايجنسي جي رپورٽ موجب، سوئٽزرلينڊ ايران ۾ آمريڪي مفادن جي نمائندگي به ڪري ٿو، پر ايران-اسرائيل جنگ کان پوءِ بند ٿيل تهران ۾ پنهنجو سفارتخانو ٻيهر کوليو آهي.
سوئٽزرلينڊ جي پرڏيهي معاملن واري وفاقي کاتي هڪ بيان ۾ چيو آهي ته سفير نادين اوليويري ۽ هڪ ننڍڙي ٽيم آذربائيجان ذريعي تهران پهتي. بيان ۾ چيو ويو آهي ته تهران ۾ سفارتخانو بتدريج پنهنجون سرگرميون ٻيهر شروع ڪندو.
اهو ياد رکڻ گهرجي ته سوئٽزرلينڊ ايران-اسرائيل جنگ دوران هوائي حملي کي نظر ۾ رکندي 20 جون تي تهران ۾ پنهنجو سفارتخانو بند ڪري ڇڏيو هو.
0 تبصرے
Do not use vulgar language