عالمي ۽ مقامي مارڪيٽن ۾ سون سستو ٿي ويو

ڪراچي:(جمعو 25 جولاءِ 2025ع)عالمي ۽ مقامي مارڪيٽن ۾ سون جي قيمت ۾ گهٽتائي آئي آهي، جنهن سان سون 23 ڊالر في اونس ۽ 2300 رپيا في تولو سستو ٿي ويو آهي. ڊالر جي قيمت ۾ گهٽتائي ۽ عالمي مارڪيٽ ۾ قيمت ۾ گهٽتائي پاڪستان ۾ سون کي وڌيڪ سستو ڪري ڇڏيو آهي. آل پاڪستان صراف اينڊ جيولرز ايسوسيئيشن موجب، پاڪستان ۾ في تولو سون 2300 رپيا سستو ٿي 356,700 رپيا ٿي ويو آهي، جڏهن ته ڏهه گرام سون 1,972 رپيا گهٽجي 3,05,812 رپيا ٿي ويو آهي. رپورٽ موجب، عالمي مارڪيٽ ۾ في اونس جي قيمت 23 ڊالر گهٽجي 3,340 ڊالر ٿي وئي آهي. انگن اکرن موجب، پاڪستان ۾ چاندي جي قيمت 34 رپيا گهٽجي 4,023 رپيا ۽ 0.34 ڊالر في اونس گهٽجي 38.74 ڊالر ٿي وئي آهي.