آءِ ايم ايف پاران کنڊ جي درآمد تي ٽيڪس ۾ ڇوٽ تي خدشا ظاهر

اسلام آباد:(اڱارو 15 جولاءِ 2025ع)بين الاقوامي مالياتي فنڊ (آءِ ايم ايف) کنڊ جي درآمد تي ٽيڪس ۾ ڇوٽ تي خدشا ظاهر ڪيا آهن. ذريعن موجب، آءِ ايم ايف تحفظات جو اظهار ڪندي چيو آهي ته اهڙا قدم 7 ارب ڊالر جي قرض پروگرام تي اثر انداز ٿي سگهن ٿا. آءِ ايم ايف جي تحفظات جي جواب ۾، حڪومت اهو موقف اختيار ڪيو ته کنڊ خوراڪ جي ايمرجنسي تحت درآمد ڪئي پئي وڃي، جڏهن ته، آءِ ايم ايف حڪومت جي وضاحت کي رد ڪري ڇڏيو ۽ چيو ته کنڊ جي درآمد تي ٽيڪس ۾ ڇوٽ آءِ ايم ايف معاهدي جي واضح خلاف ورزي آهي. ذريعن جو چوڻ آهي ته آءِ ايم ايف جي خدشن کان پوءِ حڪومت کنڊ جي درآمد تي ٽيڪس ڇوٽ واپس وٺڻ تي غور شروع ڪري ڇڏيو آهي ۽ کنڊ جي درآمد تي فيصلو مڪمل طور تي منسوخ ڪرڻ جو امڪان آهي. ذريعن موجب، ڪابينا ناڻي واري وزارت جي راءِ کان سواءِ درآمد جي منظوري ڏني هئي، پر هاڻي خانگي شعبي کي ڏنل ٽيڪس ڇوٽ واپس وٺڻ تي به غور ڪيو پيو وڃي. اهو ياد رکڻ گهرجي ته ملڪ ۾ کنڊ جي قيمت تاريخ ۾ پهريون ڀيرو 200 رپيا في ڪلوگرام کان وڌي وئي آهي. حڪومت کنڊ جي قيمتن کي مستحڪم ڪرڻ لاءِ 500,000 ميٽرڪ ٽن کنڊ جي درآمد تي سڀئي ڊيوٽي معاف ڪري ڇڏيون هيون. ٽي سي پي اڳ ۾ ئي 300,000 ميٽرڪ ٽن کنڊ جي درآمد لاءِ ٽينڊر جاري ڪري چڪو آهي ۽ کنڊ جي درآمد لاءِ بوليون جمع ڪرائڻ جي آخري تاريخ 18 جولاءِ مقرر ڪئي وئي آهي.