لنڊن:(اڱارو 15 جولاءِ 2025ع)برطانوي اخبار فنانشل ٽائمز آمريڪي صدر ڊونلڊ ٽرمپ ۽ سندس يوڪريني هم منصب وولوديمير زيلنسڪي جي وچ ۾ هڪ ڳجهي ڳالهه ٻولهه جو انڪشاف ڪيو آهي.
رائٽرز، فنانشل ٽائمز جي هڪ رپورٽ جو حوالو ڏيندي چيو آهي ته آمريڪي صدر ڊونلڊ ٽرمپ خفيه طور تي يوڪرين کي روس تي حملا تيز ڪرڻ جي ترغيب ڏني.
رپورٽ موجب، ڊونلڊ ٽرمپ يوڪريني صدر زيلنسڪي کان اهو به پڇيو ته ڇا هو ماسڪو تي حملو ڪري سگهي ٿو جيڪڏهن آمريڪا ڊگهي فاصلي وارا هٿيار فراهم ڪري.
فنانشل ٽائمز پنهنجي رپورٽ ۾ معاملي تي بريفنگ ڏيندڙ ٻن ماڻهن جو حوالو ڏنو.
برطانوي اخبار چيو ته آمريڪي صدر پنهنجي يوڪريني هم منصب کان پڇيو ته ڇا هو روس اندر فوجي هدفن کي نشانو بڻائي سگهي ٿو جيڪڏهن هٿيار فراهم ڪيا وڃن.
وائيٽ هائوس فوري طور تي رائٽرز جي تبصري جي درخواست جو جواب نه ڏنو، جڏهن ته نيوز ايجنسي رپورٽ جي تصديق نه ڪري سگهي.
0 تبصرے
Do not use vulgar language