حيدرآباد:(اڱارو 15 جولاءِ 2025ع)حيدرآباد ۾ 14 ڪلاڪ گذرڻ باوجود، مختلف علائقن مان برسات جو پاڻي نيڪال نه ٿي سگهيو.
ڪالهه حيدرآباد ۾ ڪڪر ڦاٽڻ جو واقعو پيش آيو، جنهن جي ڪري تيز برسات سبب هيٺانهين علائقا پاڻي هيٺ اچي ويا.
موسمياتي تجزيه نگار موجب، ڪالهه حيدرآباد ۾ هڪ ڪلاڪ دوران 94 ملي ميٽر برسات رڪارڊ ڪئي وئي، جنهن کان پوءِ شهر جا گهڻا علائقا پاڻي ۾ ٻڏي ويا.
بهرحال، حيدرآباد ۾ مينهن بند ٿيڻ کي 14 ڪلاڪن کان وڌيڪ وقت گذري چڪو آهي، پر مختلف علائقن ۾ اڃا تائين ڪيترائي فوٽ پاڻي موجود آهي.
پريتم آباد ۽ لطيف آباد سميت ٻيا علائقا پاڻي هيٺ اچي ويا آهن، جنهن جي ڪري شهري سخت مشڪلاتن کي منهن ڏئي رهيا آهن، جڏهن ته ڪيترن ئي علائقن ۾ بجلي جي فراهمي معطل ٿيڻ سبب پاڻي ڪڍڻ ۾ مشڪلاتون پيش اچي رهيون آهن.
حيسڪو جي ترجمان جو دعويٰ آهي ته حيدرآباد ضلعي جي 153 فيڊرز مان 139 فيڊرز بحال ڪيا ويا آهن.
ٻئي طرف، حيدرآباد جي ميئر جو چوڻ آهي ته ڪيترن ئي علائقن ۾ بجلي بحال ڪئي وئي آهي ۽ پاڻي نيڪال جو ڪم جاري آهي، مختلف حادثن ۾ 3 ماڻهو فوت ۽ 3 زخمي ٿيا آهن.
ان کان علاوه سنڌ ۾ بدين، سجاول، ٽنڊي الهيار ۽ ٽنڊي محمد خان جي علائقن ۾ به برسات پئي آهي.
0 تبصرے
Do not use vulgar language