بي جي پي اڳواڻ جي ماءُ جو بدصورت چهرو، نابالغ ڌيءَ شرمناڪ راز ظاهر ڪري ڇڏيا

اتراکنڊ :(آچر 08 جون 2025ع)انسانيت کي شرمسار ڪندڙ هڪ ڪيس ۾، پوليس هڪ بي جي پي اڳواڻ جي ماءُ کي هندستاني رياست اتراکھنڊ جي شهر هردوار ۾ پنهنجي ئي نابالغ ڌيءَ سان اجتماعي زيادتي جي الزام ۾ گرفتار ڪيو آهي. هندستاني ميڊيا جي رپورٽن موجب، هردوار جي هڪ بي جي پي ورڪر، جيڪا اڳ ۾ پارٽي جي ضلعي يونٽ ۾ اعليٰ عهدن تي هئي، اربع تي سندس بواءِ فرينڊ ۽ هڪ ٻئي ساٿي سان گڏ گرفتار ڪيو ويو. ملزم پنهنجي 13 سالن جي ڌيءَ سان ماءُ جي سامهون اجتماعي زيادتي ڪئي. هردوار پوليس چيو ته عورت ڪجهه مهينا اڳ جهيڙي کان پوءِ پنهنجي مڙس کان الڳ رهي رهي هئي. هن پنهنجي ڌيءَ کي شراب پيئڻ تي مجبور ڪيو ته جيئن ٻئي ماڻهو ان سان زيادتي ڪري سگهن. پوليس موجب، نابالغ ڇوڪري سان 8 ڀيرا اجتماعي زيادتي ڪئي وئي، پهريون ڀيرو جنوري ۾ سندس ماءُ جي سامهون ڪار ۾ هي افسوسناڪ واقعو پيش آيو. هندستان ۾ ڪورونا ڪيسن ۾ اوچتو واڌ، مريضن جو انگ 5 هزار کان وڌي ويو هن ڪيس ۾، پوليس اڳ ئي عورت ۽ سندس عاشق کي گرفتار ڪري چڪي هئي، جڏهن ته انهن جو ٻيو دوست فرار ٿي ويو، جنهن کي پوليس يوپي جي ميرٺ ضلعي مان گرفتار ڪيو هو. پوليس جو چوڻ آهي ته طبي معائني ۾ تصديق ٿي آهي ته ڇوڪري سان جنسي زيادتي ڪئي وئي آهي. پوليس موجب، نابالغ ڇوڪري جا والدين ڪنهن جهيڙي سبب الڳ ٿي ويا هئا، ماءُ پنهنجي پٽ کي پنهنجي پيءُ وٽ ڇڏي پنهنجي ڌيءَ کي پاڻ سان گڏ وٺي وئي هئي، جڏهن ڌيءَ گهڻي وقت کان پوءِ پنهنجي پيءُ وٽ آئي ته خاموش رهي، جڏهن پيءُ ان جو سبب پڇيو ته هن سڄو واقعو بيان ڪيو، جنهن تي پيءُ پوليس کي شڪايت ڪئي. اجتماعي زيادتي ڪيس ۾ جوابدارن ۾ 37 سالن جي ماءُ، سندس دوست 25 سالن جو شبھم ۽ 33 سالن جو پٽوال شامل آهن. ڇوڪري سان زيادتي ڪرڻ کان پوءِ، کيس ڌمڪي ڏني وئي ته جيڪڏهن هن ڪنهن کي ٻڌايو ته سندس پيءُ کي قتل ڪيو ويندو. ڌمڪي ڏيڻ کان پوءِ، ماءُ ۽ سندس دوست کيس آگرا، هردوار ۽ ورنداون جي مختلف هوٽلن ۾ به وٺي ويا.