نيويارڪ:(سومر 30 جون 2025ع)آمريڪي صدر ڊونلڊ ٽرمپ ڌمڪي ڏني آهي ته جيڪڏهن زهران ممداني نيويارڪ جو ميئر بڻجي ويو ته وفاقي فنڊ نيويارڪ کي نه ڏنا ويندا.
آمريڪي ٽي وي سان هڪ انٽرويو ۾ صدر ڊونلڊ ٽرمپ دعويٰ ڪئي ته زهران ممداني هڪ خالص ڪميونسٽ آهي، ۽ جيڪڏهن زهران ممداني کٽي ويو ته اهو نيويارڪ لاءِ تمام خراب هوندو.
هن وڌيڪ چيو ته جيڪڏهن ممداني کٽي ويو ۽ مان ٻيهر صدر چونڊجي ويس ته زهران ممداني کي صحيح ڪم ڪرڻو پوندو، ٻي صورت ۾ نيويارڪ کي ڪو به پئسو نه ملندو.
ياد رکڻ گهرجي ته آمريڪا ۾ ميئر جون چونڊون هن سال نومبر ۾ ٿينديون ۽ زهران ممداني ڪجهه ڏينهن اڳ ٿيل ڊيموڪريٽڪ پرائمري ۾ وڏي فرق سان کٽي ويو.
نيويارڪ جي ميئر لاءِ مسلمان اميدوار زهران ممداني اعلان ڪيو آهي ته جيڪڏهن اسرائيلي وزيراعظم ميئر بڻجڻ کان پوءِ نيويارڪ جو دورو ڪيو ته هو سندس گرفتاري جو حڪم ڏيندو.
0 تبصرے
Do not use vulgar language