ڪراچي:(خميس 26 جون 2025ع)پنڪچر جي دڪان تي سمهي رهندڙ هڪ شخص کي نامعلوم ماڻهن چاقو سان وار ڪري قتل ڪري ڇڏيو.
پوليس موجب، اهو واقعو ڪراچي جي نارٿ ڪراچي سيڪٽر اي 4 علائقي ۾ پيش آيو، جتي هڪ شخص کي تيز اوزار سان قتل ڪيو ويو.
پوليس چيو ته مقتول جي سڃاڻپ مستقيم جي نالي سان ٿي آهي ۽ مقتول ڪجهه ڏينهن اڳ پنڪچر ڪيبن لڳايو هو. مستقيم ڪيبن ۾ سمهي رهيو هو، جنهن دوران حملو ٿيو ۽ کيس نامعلوم ماڻهن چاقو سان وار ڪري قتل ڪيو.
پوليس اختيارين جو چوڻ آهي ته واقعو ذاتي دشمني جو نتيجو لڳي ٿو، جڏهن ته مقتول جي لاش کي اسپتال منتقل ڪيو ويو آهي.
0 تبصرے
Do not use vulgar language