اسلام آباد:(اڱارو 24 جون 2025ع)وزيراعظم شهباز شريف قطر ۾ آمريڪي فوجي اڏي تي ايراني ميزائل حملي جي رپورٽن تي گهري ڳڻتي جو اظهار ڪيو آهي.
وزيراعظم شهباز شريف پاڪستان ۾ قطري سفير علي مبارڪ الخطر سان فون تي ڳالهه ٻولهه ڪئي. هن قطر ۾ آمريڪي فوجي اڏي تي ايراني ميزائل حملي جي رپورٽن تي گهري ڳڻتي جو اظهار ڪيو.
وزيراعظم قطر جي حڪومت ۽ عوام سان يڪجهتي جو اظهار ڪيو ۽ خطي ۾ تڪرار گهٽائڻ ۽ امن بحال ڪرڻ جي ضرورت تي زور ڏنو.
قطري سفير وزيراعظم جو فوري رابطي ۽ يڪجهتي تي شڪريو ادا ڪيو.
ٻئي طرف، وزيراعظم شهباز شريف سعودي سفير نواف المالڪي کي ٽيليفون ڪيو ۽ قطر ۾ آمريڪي فوجي اڏي تي ايراني ميزائل حملي جي رپورٽن تي ڳڻتي جو اظهار ڪيو.
وزيراعظم خطي ۾ تڪرار گهٽائڻ ۽ امن بحال ڪرڻ لاءِ گڏيل ڪوششن تي زور ڏنو، ۽ چيو ته پاڪستان وچ اوڀر ۾ امن جي ڪوششن کي تيز ڪرڻ لاءِ سعودي عرب سان گڏ ڪم ڪندو.
سعودي سفير بروقت رابطي ۽ ڳڻتي جي اظهار تي وزيراعظم جو شڪريو ادا ڪيو، ۽ چيو ته پاڪستان ۽ سعودي عرب کي خطي ۾ امن لاءِ گڏجي ڪم جاري رکڻ گهرجي.
اهو ياد رکڻ گهرجي ته ايران آمريڪي حملي جو جواب قطر ۾ آمريڪي فوجي اڏي تي ميزائل فائر ڪري ڏنو. ايراني سرڪاري ٽي وي تصديق ڪئي ته ايراني ميزائلن قطر جي العديد فوجي هوائي اڏي کي نشانو بڻايو.
0 تبصرے
Do not use vulgar language