غزه:(اڱارو 22 اپريل 2025ع)دهشتگرد اسرائيل پاران فلسطينين جي نسل ڪشي جاري آهي. غزه ۾ اسرائيلي حملي ۾ هڪ گهر کي باهه لڳي وئي، جنهن ۾ 11 فلسطيني مارجي ويا.
اسرائيلي فوج غزه تي بمباري جاري رکي ٿي، ۽ اڄ صبح کان وٺي مارجي ويل فلسطينين جو انگ 28 تائين پهچي ويو آهي. طبي ذريعن الجزيره کي ٻڌايو ته اڄ صبح کان وٺي غزه پٽي جي ڪيترن ئي علائقن تي اسرائيلي هوائي حملن ۾ گهٽ ۾ گهٽ 28 ماڻهو مارجي ويا آهن.
نيوز ايجنسي موجب، مرڪزي غزه پٽي، نصيرات علائقي ۽ غزه شهر ۾ ٻن الڳ الڳ اسرائيلي حملن ۾ گهٽ ۾ گهٽ چار فلسطيني مارجي ويا ۽ ڪيترائي زخمي ٿيا.
غزه جا 600,000 ٻار معذوري جي خطري ۾ آهن
طبي ذريعن تصديق ڪئي ته اسرائيلي جنگي جهازن نصيرت پناهگير ڪئمپ ۾ ماڻهن جي هڪ گروهه کي نشانو بڻايو، جنهن ۾ ٻه ڇوڪريون به شامل هيون، جنهن ۾ ٽي شهري مارجي ويا.
اسرائيل پاران 18 مهينا اڳ شروع ڪيل جنگ ۾ مارجي ويل فلسطينين جو انگ 51,266 تائين پهچي ويو آهي، جڏهن ته غزه تي اسرائيلي جارحيت ۽ بربريت ۾ زخمي ٿيندڙ فلسطينين جو انگ 116,991 تائين پهچي ويو آهي.
نيوز ايجنسي چيو ته غزه جي سرڪاري ميڊيا آفيس موجب، شهيدن جو تعداد 61,700 کان وڌيڪ آهي. غزه ميڊيا آفيس موجب، ملبي هيٺان دفن ٿيل هزارين ماڻهن کي شهيد سمجهيو پيو وڃي.
0 تبصرے
Do not use vulgar language