برازیلیا: (جمعو 14 فيبروري 2025ع)برازيل ۾ هڪ اهڙو واقعو پيش آيو آهي جتي هڪ عورت جي کيسي ۾ رکيل موبائل فون ڦاٽي پيو ۽ هوءَ سڙي وئي.
رپورٽن موجب برازيل جي هڪ سپر مارڪيٽ ۾ خريداري ڪندڙ هڪ عورت جي کيسي ۾ موبائل فون ڦاٽي پيو، جنهن جي ڪري عورت جي ڪپڙن ۾ باهه لڳي وئي.
سپر مارڪيٽ ۾ لڳل ڪيمرائن واقعي کي محفوظ ڪيو، ۽ سي سي ٽي وي فوٽيج سڄي دنيا ۾ وائرل ٿي رهيو آهي.
وڊيو ۾ ڏسي سگهجي ٿو ته عورت پنهنجي مڙس سان گڏ شاپنگ ڪري رهي هئي ته اوچتو سندس کيسي ۾ موجود موبائل فون ڦاٽي پيو ۽ سندس ڪپڙن ۾ باهه لڳي وئي.
بازار ۾ موجود ماڻهن، جن ۾ عورت ۽ سندس مڙس شامل هئا، باهه وسائي. رپورٽن موجب، عورت واقعي ۾ سخت سڙي وئي هئي ۽ سندس هٿن، ٻانهن ۽ پٺي تي زخم آيا هئا.
0 تبصرے
Do not use vulgar language