بلوچ احتجاج ڪندڙن تي تشدد، صحافي محمد حنيف جو احتجاج طور ستارا امتياز جي واپسي جو اعلان

اسلام آباد: (ڇنڇر 23 ڊسمبر 2023ع)صحافي ۽ ليکڪ محمد حنيف وفاقي راڄڌاني اسلام آباد ۾ بلوچ مظاهرين تي تشدد خلاف احتجاج طور ستاره امتياز جي واپسي جو اعلان ڪيو آهي. پنهنجي ٽوئيٽ ۾ صحافي محمد حنيف چيو ته هو بلوچ مظاهرين تي تشدد خلاف احتجاج طور ستاره امتياز واپس ڪري رهيو آهي. هن چيو ته نئين نسل کي بنيادي وقار کان محروم ڪيو پيو وڃي.

In protest, returning my Sitara e Imtiaz, given to me by a state that continues to abduct and torture Baloch citizens. Journalists of my generation have seen @SammiBaluch and @MahrangBaloch_ grow up in protest camps. Ashamed to witness a new generation being denied basic dignity. https://t.co/yrw4STuzKk

— Mohammed Hanif (@mohammedhanif) December 23, 2023

ياد رهي ته اسلام آباد پوليس بلوچ اتحاد مارچ ۾ شريڪ ڪارڪنن تي ڪريڪ ڊائون ڪيو ۽ احتجاج ڪندڙ عورتن کي گرفتار ڪري ورتو. بعد ۾ نگران وفاقي وزيرن تي ٻڌل ڪميٽي احتجاج ڪندڙن سان ڳالهيون ڪيون ۽ سمورا تحفظات دور ڪرڻ جو يقين ڏياريو جنهن بعد گرفتار ٿيل احتجاج ڪندڙ عورتن کي فوري طور تي آزاد ڪيو ويو. اسلام آباد ۾ نيشنل پريس ڪلب ٻاهران بلوچ ساليڊريٽي ڪائونسل پاران احتجاجي مظاهرو ڪيو ويو.