صنعا:(ڇنڇر 19 جولاءِ 2025ع)يمن جي حوثين جو چوڻ آهي ته انهن اسرائيل جي بن گوريون ايئرپورٽ کي هائپرسونڪ 'فلسطين 2' ميزائل سان ڪاميابي سان نشانو بڻايو آهي، جنهن جي ڪري وڏي پيماني تي شهري اتان نڪري ويا ۽ پروازون معطل ٿي ويون.
ايراني نيوز ايجنسي مهر جي هڪ رپورٽ موجب، حملي جي تصديق حوثي هٿياربند فوج ڪئي، جنهن تل ابيب جي ويجهو قبضي واري علائقي لود ۾ بن گوريون ايئرپورٽ تي هائپرسونڪ بيلسٽڪ ميزائل حملي جي وڏي فوجي ڪارروائي جو اعلان ڪيو.
هٿياربند فوج جي ترجمان برگيڊيئر جنرل يحيٰ ساري چيو ته 'فلسطين 2' ميزائل ڪاميابي سان پنهنجي گهربل هدفن کي نشانو بڻايو، جنهن جي ڪري لکين اسرائيلي آبادگار پناهه گاهه ڏانهن ڀڄي ويا ۽ ايئرپورٽ ڏانهن پروازون معطل ڪيون ويون.
بيان ۾ آپريشن کي غزه جي پٽي ۾ اسرائيل جي جاري نسل ڪشي ۽ مظلوم فلسطيني عوام جي حمايت جو سخت جواب قرار ڏنو ويو آهي.
جنرل يحيٰ ساري اسلامي ۽ عرب قومن کي غزه جي عوام سان گڏ بيهڻ جو مطالبو ڪيو، انهن جي خلاف جاري محاصري ۽ خوني ڏوهن کي اجاگر ڪيو.
هن واعدو ڪيو ته فوجي آپريشن جاري رهندا جيستائين غزه تي جارحيت ۽ ناڪي بندي ختم نه ڪئي ويندي.
ان دوران، اسرائيلي ميڊيا رپورٽ ڪئي ته يمن کان ميزائل فائر ٿيڻ کان پوءِ گش دان علائقي ۽ قبضي هيٺ يروشلم جي رهواسين کي پناهه وٺڻ لاءِ چيو ويو.
0 تبصرے
Do not use vulgar language