سوشل ميڊيا تي منفي پروپيگنڊا ڪيس: پي ٽي آءِ جو ڪو به اڳواڻ جي آءِ ٽي آڏو پيش نه ٿيو

اسلام آباد: (اڱارو 18 مارچ 2025ع)سوشل ميڊيا تي ناڪاري پروپيگنڊا جي ڪيس ۾ پاڪستان تحريڪ انصاف (پي ٽي آءِ) جو ڪو به اڳواڻ گڏيل جاچ ٽيم (جي آءِ ٽي) اڳيان پيش نه ٿيو. جي آءِ ٽي شيخ وقاص، عون عباس، فردوس شميم نقوي سميت پي ٽي آءِ جي 16 ميمبرن کي طلب ڪيو هو. ذريعن موجب، جي آءِ ٽي انتظار ڪندي رهي، پر طلب ڪيل پي ٽي آءِ اڳواڻن مان ڪو به جي آءِ ٽي آڏو پيش نه ٿيو. جي آءِ ٽي عليمه خان کي 19 مارچ تي سمن نوٽيس به جاري ڪيو آهي، جڏهن ته عليمه خان 14 مارچ تي سمن جي باوجود پيش نه ٿي. بئريسٽر گوهر، رئوف حسن ۽ شاهه فرمان اڳ ۾ جي آءِ ٽي آڏو پيش ٿي چڪا آهن. ياد رهي ته پي ٽي آءِ ميمبرن خلاف رياست مخالف پروپيگنڊا جي الزام ۾ جاچ جاري آهي. وفاقي حڪومت پاران قائم ڪيل جي آءِ ٽي آءِ آءِ جي سربراهي ۾ آهي ۽ اها اليڪٽرانڪ ڪرائمز جي روڪٿام ايڪٽ 2016 جي تحت ٺاهي وئي هئي.